Act 25 | TPZ | STEP | O poen ne Festus to tavus a teß susun pa kaman manih pa muhin va Jiutiaß, pareß nö ko teß non vöön Sisariaß a vöön, va pa muhin Jiutiaß. O kukön poen to oah, ee keß taneß nën, pareß nö Jerusalëm.

Acts 25

E Pöl To Tavus E Sisaß

1 O poen ne Festus to tavus a teß susun pa kaman manih pa muhin va Jiutiaß, pareß nö ko teß non vöön Sisariaß a vöön, va pa muhin Jiutiaß. O kukön poen to oah, ee keß taneß nën, pareß nö Jerusalëm. 2 O teß susunön ësës heß, me a nap susunön po Jiuß to nö maß manih peß, pare vateen e Pöl pa hat, ko hin vakis e Festus se vaßaus raoe ko soe pan, 3 “Eën se vanö rakah maß e Pöl manih Jerusalëm.” Suk, ee to iu ip vamët ne e Pöl manih hanan. 4 Ivëhkëk, e Festus to piun, pareß soe pan, “E Pöl to teß non pa nohnoh manuh Sisariaß, eß hikta teß rë non, köß nö hah manuh Sisariaß. 5 Ivëh, ka ma pah teß susunön peöm se nö vaßpeh me a neoß ko siröß a teß pamëh po vahutët manuh Sisariaß, pa ö neß se keh nok vahat voh en ta pah taeah.”

6 E Festus to teß non Jerusalëm po meh tönim me o kukön poen keß o havun poen, pareß nö hah en manuh Sisariaß. Po meoh poen, e Festus to ihoß en pa ö ihihoß pa teß kiiki vahutët, pareß taß en pa ö see me maß e Pöl. 7 E Pöl to nö maß, ko Jiuß varih to kunah taneß maß Jerusalëm nö maß, pare tapön tavi poë, pare vateen e Pöl, ko soe pan eß to nok vahat voh a ma tah peo. Ivëhkëk, ee to hikta onöt ne a vataare e Festus vamanih pa ma soe pee to teß man non. 8 Ke Pöl to vaato vaßaus hah eah ko piun raoe, pareß soe pan, “Eöß hikta nok ta pah hat manih pa Taateß po Jiuß, me pa Iuun Hinhin Apuh, me manih pe Sisaß a teß sunön pa kaman va Room.”

9 E Festus to iu vamanman non o Jiuß se iu ne poë, ivëh, keß hi e Pöl pan, “Eën to iu pöß e nom pa nö Jerusalëm, köß se tënan o vahutët pën nën, ha?”

10 Ivëhkëk, e Pöl to soe vamanih pan, “Eöß to iu rakah noß pa nö ko sun pa iuun pëpënton vahutët pe Sisaß manuh Room, ivëh, ke Sisaß koman se pënton o vahutët peöß. Eöß to hikta nok tah hat manih po Jiuß, eën to nat koman e nom. 11 Eöß se voh keh nok eoß tah hat, to onöt non a ö söß mët, eß to vih e non. Ivëhkëk, eß se keh hikta teß man non pa soe vëh nee to siröß suk a neoß, a hikta teß se vateß a neoß pa koreere. Eöß to iu noß e Sisaß se pënton o vahutët peöß.” 12 Ke Festus vaato vamomoaan me o teß varih to nat rakah ne pa ma taateß va Room, pareß soe ke Pöl pan, “Eën to iu nom e Sisaß se pënton o vahutët pën, ha? Ivëh, kën se nö eom manuh pa ep pe Sisaß.”

E Festus To Vamaaka Ke Agripaß Pen E Bernaësiß E Pöl Eteh

13 A ma poen to oah ee, ka teß sunön e Agripaß pën e vameneah Bernaësiß to nö ee maß Sisariaß pa ep e Festus pa vavaeö vaßpeh me poë. 14 Ee to teß varë ee, ke Festus soe vamaaka ken pe Agripaß po vöhioß pe Pöl. Eß to soe pan, “A pah teß to teß non manih ne Feliks to vanö voh pa nohnoh, keß teß e non kuru vëh. 15 Po poen nöß to teß voh noß maß Jerusalëm ko teß susunön ësës heß, me a nap susunön po Jiuß to vateen poë pa ma hat, pare hin vakis a neoß pa vateen eah pa hat. 16 Ivëhkëk, eöß to piun raoe pan, ‘Emöm a napan va Room to hikta teß nem a taateß va pa noh a teß po uris eh eß he hikta teß po vahutët. A teß to teß po vahutët se sun matan a napan varih to vateß poë po vahutët, keß se vaßaus hah ea pa vaato suk a hat vëh nee to vateen poë.’

17 Ivëh, ko poen nöß to taneß maß Sisariaß, eöß to hikta vaoah ta ma poen peo, ahik, po meoh poen eöß to ihoß koman a iuun kiiki vahutët, paröß taß raoe a me maß a teß pamëh. 18 Ka ma napan varih to vateß poë po vahutët sun, pare hikta soe a ma hat neß to nok vamanih pa ö nöß to koman va noß. 19 Ee to vaato vaheve koman me ne pe Pöl, suk o vaman koman pee, me o vavaasis va pe Ieesuß vëh to mët voh en. Ivëhkëk, e Pöl to sosoe ke non raoe a ö neß to teß toßtoß e non. 20 Eöß to iu vaiu voh noß a pusun in a soe pamëh, ivëhkëk, eöß to hikta onöt voh noß, ivëh, köß hi voh e Pöl a nö manuh Jerusalëm, köß se tënan o vahutët peß nën pa ma hat nee to vateen poë. 21 Ivëhkëk, e Pöl to soe a ö neß to iu teß non pa nohnoh, ko anoeh non a ö nöß se vaiu ta hanan ko vanö eah pa teß sunön e Sisaß, keß tënan o vöhioß peß.”

22 E Agripaß to tënan a soe pe Festus, pareß soe pan, “Eöß to iu tënan koman e noß po vöhioß peß.” Ke Festus piun poan pan, “Eën se tënan eah sinup, eß se vahutët ka oah.”

23 Po meoh poen, a ma teß to heß vaeö e Agripaß pen e Bernaësiß pa ö nee to pipiu nö ne a ma tah, me a ö nee to pipinoß vovoh nö ne. E Agripaß pen e Bernaësiß to ohop a ma ohop vihvih pee, pare ho ee pa iuun pëpënton vahutët vaßpeh me o teß susun va pa nap vëvënsun me a nap susunön va pa vöön pamëh. Ke Festus taß o teß vëvënsun, kee me ho ee maß pe Pöl. 24 Ke Festus soe pan, “Teß Sunön Agripaß, me a ma vu susunön to teß vaßpeh me a no möm, eöm to ep e nem pa teß vëh. O Jiuß varih Jerusalëm, me a ma teß to ihoß nem manih, to vateen voh a teß vëh a ma hat. Ee to taoa ee, pare hin vakis voh a neoß a ö no a teß vëh se mët, eß hikta se teß toßtoß non. 25 Ivëhkëk, eöß to hikta taum tah pah hat to onöt non a ö neß se mët. Eß to iu ep koman non e Sisaß, ke Sisaß se tënan o vahutët peß. Ivëh, köß vaonöt noß eah pa ep e Sisaß. 26 Ivëhkëk, eöß to hikta maaka noß a soe taeah to onöt non a ö nöß se kiun to kiun, ko vanö ke a teß sunön pea. Keß se nat non, suk ataeah kee vateß a teß vëh po vahutët. Ivëh, köß me maß eah manih pën a Teß Sunön Agripaß, me eöm a napan varih. Ea se pënton vavih a soe peß köß se taum tah soe nöß se kiun. 27 Eß to hikta teß totoopin non pa ö söß vanö a teß nohnoh, eöß he hikta soe vamaaka na a hat taeah nee to vateß suk poë po vahutët.